VSCode كايتعتابر أفضل code editor مجاني لأنه مدعوم من طرف شركة Microsoft و كذلك لأن Marketplace ديالو كايحتاوي على الكثير من ل extensions اللي كايدعمو مختلف لغات البرمجة و الادوات ...
فهاد المقال غانتعرفو على 10 ديال ل Extensions اللي خاصهوم ضروري إكونو عندك.
1- Better Comments
التعليقات ضرورين ليك كمبرمج باش تنضم ل code ديالك و كذلك باش تشرح العمل ديال كل جزء, لذلك هاد ل extension غاتساعدك توضح التعليقات بشكل افضل عن طريق تغيير اللون ديالهم على حسب الغرض من كل تعليق. كما موضح فالصورة.
2- Error Lens
أصعب شيء كايواجهو المبرمج هو العثور على الاخطاء Debugging, هاد لextension كاتكتبليك شناهو الخطأ مباشرة قدام السطر فين كاين. بالاضافة لانه بإمكانك تعدل فالإعدادات ديالها باش تناسب المتطلبات ديالك.
3- Import Cost
من بين الاشياء اللي خاص المبرمج إرد لهم البال هو size ديال ل packages اللي كايضيف ل project لان هادشي كايأتر على فل performance. بالمساعدة ديال هاد ل extension بإمكانك تعرف size ديال كل import مباشرة قدامو, هاكا بإمكانك تعرف واش داكشي مناسبك اولا لا.
4- Bracket Pair Colorizer 2
في بعض الاحيان كاتبغي تعرف شي معقوفة اولا قوس فين تحل و فين تغلق و كاتلقا صعوبة بسبب الكثرة و خصوصا إلى محيتي شي واحد بالخطأ و مكتعرفش فين بالضبط خاصك تبقا تحسب و تحاول تعرف شكون اللي ما مغلوقش. هاد ل extension كاتجعل الامر بسيط, كل حاجة كتعطيها لون خاص بيها باش كاتبقا مميزة على الاخرين و هاكا غاتقدر تعرف كل حاجة فين بدات و فين سلات بكل بساطة.
5- Material Icon Theme
هاد ل extension كاتعطي للملفات و المجلدات ايقونات على حسب الاسم بالنسبة للمجلدات و على حسب ل file name extension بالنسبة للملفات. كاتعطي واحد الجمالية روعة بالإضافة انها كاتعاون العين باش تحدد شي ملف ولا مجلد.
6- Color Highlight
بعض الاحيان كاتشوف شي لون ب hexacode او كاتسائل شمن لون هادا, بفضل هاد ل extension اي لون إمكليك تعرفو شناهوا سواء كان فملف css او javascript او اي ملف إمكلك أتعرف على اللون. كادعم كل الالوان سواء كلمات مثلا red اولا RGB مثلا rgb(155,185,85). كما موضح فالصورة.
7- Live Server
هادي اسهل طريقة باش تخدم server من اجل ملفات html, بضغطة زر واحدة server غايخدم ف localhost. طريقة سهلة جدا, بالإضافة لأنه كل مرة كدير حفض, التغييرات كايبانو فالصفحة بكل سرعة بلا ما تحتاج دير reload للمتصفح.
8- Image preview
بالنسبة لهاد ل extension, ملي كاتحط link ديال شي تصويرة فشي ملف سواء javascript, html, JSON ... اولا اي نوع من الملفات, غاتبان التصويرة صغيرة فالجنب. هادشي غايساعدك باش تعرف واش link صحيح ولا لا . ايضا كاتخدم حتى مع الصور اللي عندك فالجهاز ديالك. كما انه ملي كاتحط ل cursor على link كاتبالك الصورة مصغرة.
9- Auto Rename Tag
في HTML إلى بغيتي تبدل السمية ديال شي tag خاصك تكتبو 2 مرات , بعض الاحيان كاتنسا او تبدلو غير فجهة وحدة. بالمساعدة ديال هاد ل extension ما تهزش لهم الجهة الثانية, هي كاتبدلها.
10- Prettier
هادي من ل extensions المفضلين عندي. العمل اللي كاتقوم بيه رائع . ملي كادير حفض للملف ديالك prettier كاتنضم ل code ديالك بطريقة جميلة, بالإضافة لانها كاتدعم مجموعة واسعة من اللغات. هادي من أشهر ل code formatters اللي كاينين و عندها حاليا تقريبا 20 مليون تحميل ف vscode marketplace.
النهاية
كانتمنا تكون لقيتي extensions جداد تضيفهم ل vscode ديالك, ما تنساش تابعنا على Facebook