ملي كاتقاد شي منصة أو تطبيق اللي كايقبل تسجيل الدخول للمستخدمين, خاص كل مستخدم تعطيه صورة في ملفه الشخصي, هادشي ضروري لأنه كايحسن من تجربة المستخدم إلا أنه إقدر إباليك شي حاجة اللي فيها الخدمة. فهاد المقال غانتعرفو على طريقة سهلة للحصول على صور الملف الشخصي لكل مستخدم.
الطريقة اللي غانستخدمو عبارة عن API سميتو Dice Bear , هادا هو ل URL ديال هاد ل API :
https://avatars.dicebear.com/api/:sprites/:seed.svg
هاد ل API كايعطيك أشكال مختالفة من الصور, كل شكل عندو إسم خاص, و باش تحصل على الشكل اللي بغيتي , كاتبدل ديك sprites: بإسم الشكل اللي بغيتي :
-
أسماء الأشكال اللي كاينين:adventurer-adventurer-neutral-avataaars-big-ears-big-ears-neutral-big-smile-bottts-croodles-croodles-neutral-identicon-initials-micah-miniavs-open-peeps-personas-pixel-art-pixel-art-neutral-male-female
بالنسبة لديك :seed كاتغيرها بشي حاجة فريدة بحال ل id الخاص بكل مستخدم, مثلا لنفترض عندك مستخدم ل id ديالو هو 12362546 و الشكل اللي بغيتي هو male :
- ل API غايكون على هاد الشكل :
https://avatars.dicebear.com/api/male/12362546.svg
- الصورة اللي غاتحصل عليها هي :
API Options :
هاد ل API عندو 2 ديال ل options اللي تقدر تستخدم معاه :
1- background : هاد ل option كاتعطيك الإمكانية أنك تختار لون الخلفية ديال الصورة بحيث أن اللون خاصو إكون HEX مع إستبدال # ب 23%, على هاد الشكل :
https://avatars.dicebear.com/api/male/12362546.svg?background=%23DB6049
2- mood : هاد ل option كاتسمحليك تحدد المزاج ديال داك الشخص اللي فالصورة واش سعيد أو حزين بحيث كاتقبل 2 قيم happy أو sad, لكن كاتخدم غير مع الصور من نوع male. على هاد الشكل:
https://avatars.dicebear.com/api/male/12362546.svg?mood=happy
مثال بإستخدام HTML :
إلى كنتي غاتستخدم هاد ل API في موقع إلكتروني, كل ما عليك هو تعطي ل URL ل img, على هاد الشكل
<img src="https://avatars.dicebear.com/api/male/12362546.svg" alt="dice bear">
النهاية :
هاد ل API بسيط و سهل في الإستخدام كانصحكوم تستخدموه.