كمبرمج خاصك تفرض الوجود ديالك, و أي واحد أو أي شركة تقدر تعرف المستوى و المهارات ديالك إنطلاقا من ل Portfolio الخاص بك. مكانعنيش أن ل Portfolio خاصو إكون مزوق, كانعني أنهم غايلقاو عندك حضور كبير على الإنترنيت.
كفاش حضور كبير على الإنترنيت ؟؟
كاينين العديد من المواقع اللي بإمكانك تخلي فيهم البصمة ديالك, و هاد المواقع عندهم مصداقية كبيرة , أي أن الإنجازات اللي حققتي فيهم إقدرو إخليوك تحصل على فرص كبيرة. هاد الفرص هيا اللي غاتجي كاتقلب عليك.
شناهوما هاد المواقع ؟؟
كيف ما قلت كاينين مواقع اللي تقدر تحطهم في ل Portfolio أو السيرة الداتية ديالك , و غايكونو كشهادة على المستوى و المهارات ديالك كمبرمج. نتعرفو على هاد المواقع :
1️⃣ موقع Stackoverflow :
في هاد الموقع كيقومو المبرمجين بمساعة بعضهم البعض, إلى شي واحد عندو شي مشكل أو تساؤل كايطرحو و كايجاوبوه المبرمجين اللي عندهم دراية بداك المجال.
أنت بإمكانك تجاوب على الأسئلة اللي كايهضرو في التخصص ديالك. و أي واحد نفعو الجواب ديالك كايقوم بالتصويت عليه على أنه جواب مفيد, هاكا كاتربح النقاط, و الصفحة ديالك في الموقع كايضهر فيها عدد الأجوبة و الجودة ديالها.
العديد من الشركات كايستخدمو هاد الموقع في البحث ديالهم عن المبرمجين.
2️⃣ موقع Github :
هاد الموقع كايحتاوي على العديد من المشاريع مفتوحة المصدر, و أنت أيضا بإمكانك تحط المشاريع ديالك.
باش السمعة ديالك كمبرمج محترف بإستعمال هاد الموقع كاينين 2 طرق:
-
نشر مشاريعك الخاصة : بإمكانك تخدم علي شي فكرة أو
Library... و تجعلها مفتوحة المصدر. إلى داك المشروع لقى نجاح و حصل على عدد كبير من النجوم , تقدر تحصل على عروض بيع أو دعم من طرف شركات كبيرة. مثلا هاد المشروعNovuاللي عبارة عن نظام كايمكنك من إضافة الإشعارات لتطبيقك و موقعك بحيت كايدعم العديد من القنوات مثلEmail,SMS,Push... هاد المشروع حصل على دعم بقيمة 6.6 مليون دولار. المصدر. -
المشاركة في المشاريع مفتوحة المصدر : بإمكانك دير بحث في
Githubغاتلقى العديد من المشاريع , هاد المشاريع بإمكانك تشارك فيهم بكل بساطة, كاتقوم بإضافة التغييرات اللي بغيتي و تصحح الأخطاء و .... ثم كاتطلب دمج التغييرات اللي درتي مع الفرع الرئيسي, و إلى صاحب المشروع وافق , غايتم إضافة التغييرات اللي درتي للفرع الرئيسي.
المشاركة فهاد المشاريع غاطور من المهارات ديالك كمبرمج , بالإضافة لأنه تقدر تحصل على عروض عمل من طرف فريق المشروع إلى المشروع حصل على الدعم أو عروض عمل من طرف شركات اللي شافت المشاركات ديالك و عجبهوم المستوى ديالك.
موقع Medium و موقع Dev.to :
هاد المواقع عبارة عن مدونة , بإمكانك تفتح حساب و تبدى تكتب المقالات , سواء مقالات تعليمية أو مقالات على التجارب ديالك كمبرمج, كتابة المقالات باللغة الأنجليزية لكن هادشي مكايعنيش أنه خاصك مستوى كبير فهاد اللغة, بإمكانك تستعمل هاد الأدات grammarly اللي غاتساعدك باش تتجنب الأخطاء الإملائية و أخطاء التعبير.
إلى كان المحتوى ديالك مزيان, غاتحصل على متابعين و قراءات كتار اللي غاتأهلك باش تضيف ل Profile ديالك فهاد الموقع لل Portfolio أو السيرة الداتية ديالك.
النهاية :
العديد من الشركات كايطلبو التجربة إلى بغيتي تخدم , لذلك خاصك تبني حضور على الإنترنيت اللي غايخلي هاد الشركات مايسولوكش على التجربة.