إضافة الأشكال و التموجات للموقع ديالك غايعطيه شكل إحترافي و رائع و غايساعدك باش تشد المستخدم لفترة أطول, لكن باش تقادهم غاتحتاج دراية كبيرة ب CSS و SVG و مع ذلك غاتلقى صعوبة و غاتخسر وقت كبير.
باش تنشئ هاد الأشكال يفضل أنك تستخدم أدوات اللي كاتسهل عليك العملية, فهاد المقال جبتليكم مواقع اللي غاتساعدكم تقادوهوم بإحترافية و سرعة. كل أدات مرفقة بصورة و كذلك الموقع ديالها.
1. Fancy Border Shape
هاد الموقع كايعطيك قيمة border-radius الخاصة بالشكل اللي كاتحدد.
2. SVG Shape Generator
هادا كايساعدك تقاد أشكال بألوان مختلفة و تحملهم على شكل SVG أو PNG
3. SVG Waves
لإنشاء موجة على شكل SVG, بالإضافة لأنه بإمكانك تنشئ الموجات عشوائيا, فقط بقا تبرك على الزر حتا تلقا الشكل اللي عاجبك.
4. Multiple Animated Waves
هاد الموقع كايمكنك من أنك تنشئ موجة بعدة طبقات بالإضافة انه بإمكانك تجعلها متحركة Animation و تحملها على شكل SVG.
5. Shape Dividers
لإنشاء أشكال بإمكانك تستخدمها كأجزاء من موقعك على سبيل المثال ل Footer , كما أن الموقع كايعطيك الشكل ك SVG و HTML و حتا CSS الخاص بيه. يعني هز و حط وهانتا ناضي.
6. Rad Lines
إنشاء مضلعات بخطوط بعدة خطوط مع إمكانية تحميلها على شكل SVG
النهاية :
إلى كنتي كاتخدم ل Frontend خاص إكون عندك الأدوات اللي غايساعدوك تبني داكشي اللي باغي بسرعة و إحترافية, لذلك كانصحك تحتافظ بهاد المقال حيت غاتحتاجو من بعد.