العلاقة ديال المبرمج مع Linux خاصها تكون علاقة وطيدة, هادشي راجع لكون العديد من أنظمة التشغيل المستعملة في الخوادم مبنية على Linux kernel, لذلك خاص المبرمج إكون عارف كيفاش يتحكم في نظام التشغيل عن طريق الأوامر بسرعة و سلاسة. في هاد المقال غانتعرفو على 12 أمر من أوامر Linux اللي خاص المبرمج إكون عارف.
ls :
الأمر ls كايمكنك من أنك تشوف جميع الملفات و المجلدات اللي كاينين فالمجلد اللي أنت فيه.
root@ubuntu:~# ls
pwd :
في بعض الأحيان كاتبغي تتأكد بلي راك في المكان الصحيح قبل ما تقوم بشي عملية, هاد الأمر pwd كايمكنك من أنك تعرف المسار path فين كاين أنت.
root@ubuntu:~# pwd
cd :
الأمر cd كايمكنك من أنك تتنقل بين المجلدات.إلى بغيتي تدخل لشي مجلد بإمكانك تكتب cd متبوعة بإسم داك المجلد, و إلى بغيتي تخرج منو , بإمكانك تستعمل cd متبوعة بنقطتين .., هاد 2 نقط كايعنيو العودة للوراء.
root@ubuntu:~# cd <إسم المجلد>
mkdir :
الأمر mkdir كايمكنك من إنشاء المجلدات.
root@ubuntu:~# mkdir <إسم المجلد>
cp :
الأمر cp كايمكنا من أننا نديرو نسخة لملف ما أو مجلد.
root@ubuntu:~# cp <الهدف> <المصدر>
- مثال : لنفترض عندنا ملف إسمو
file.txtو بغينا نشؤو نسخة منو فنفس المسار و نسميوهاfile-copy.txt, الأمر غايكون على هاد الشكل:
root@ubuntu:~# cp file.txt file-copy.txt
mv :
هاد الأمر كايمكنا من أننا نقلو ملف أو مجلد من مكان إلى مكان أخر, كما أنه كايتستخدم لإعادة تسمية الملفات و المجلدات.
root@ubuntu:~# mv <الهدف> <المصدر>
- مثال لتغيير مسار الملف: لنفترض عندنا ملف سميتو
index.jsو بغينا نوضعوه في مجلد سميتوsrc, الأمر غايكون على هاد الشكل:
root@ubuntu:~# mv index.js src/index.js
- مثال لإعادة تسمية ملف: لنفترض عندنا ملف سميتو
index.htmlو بغينا نبدلولو السمية لhome.html, الأمر غايكون على هاد الشكل:
root@ubuntu:~# mv index.html home.html
rm :
الأمر rm كايمكنك من حذف الملفات و المجلدات, لكن الطريقة كاتختالف على حسب واش باغي تمسح ملف أو مجلد, و إلى كان مجلد, واش مجلد فارغ أو لا.
- حذف ملف :
root@ubuntu:~# rm <إسم الملف>
- حذف مجلد فارغ : باش نمسحو مجلد فارغ كانظيفو
d-, إلى كان المجلد غير فارغ مغايتمش الحذف و غا تحصل على خطئ.
root@ubuntu:~# rm -d <إسم المجلد>
- حذف ملف غير فارغ: باش نمسحو ملف غير فارغ كانظيفو
r-:
root@ubuntu:~# rm -r <إسم المجلد>
touch :
الأمر touch كايمكنك من إنشاء الملفات:
root@ubuntu:~# touch <إسم الملف>
- بإستعمال هاد الأمر بإمكانك تنشئ ملف واحد أو أكثر, لنفترض بغينا نشؤو 3 ملفات
index.jsوindex.htmlوstyle.css, الأمر غايكون على هاد الشكل:
root@ubuntu:~# touch index.js index.html style.css
cat :
بإستعمال هاد الأمر إمكلك تطبع في Terminal المحتوى ديال شي ملف, أي قراءة محتوى الملف:
root@ubuntu:~# cat <إسم الملف>
- مثال: لنفترض عندنا ملف إسمو
config.jsonو بغينا نشوفو المحتوى ديالو, الأمر غايكون على هاد الشكل:
root@ubuntu:~# cat config.json
vim و nano :
هادو عبارة عن محررات نصوص text editors كايمكنوك من التعديل على محتوى الملفات,
- vim :
root@ubuntu:~# vim <إسم الملف>
- nano :
root@ubuntu:~# nano <إسم الملف>
كانصحك تبحث على كل واحد فيهم و تتعلم كيفاش تخدم بيه.
wget :
هاد الأمر كايمكنا من تحميل الملفات من الإنترنيت عن طريق الرابط Link:
root@ubuntu:~# wget <رابط الملف>
clear :
من بعد كتابة عدة أوامر, Terminal كايولي عامر, باش تمسح داكشي لي فية كاتستخدم الأمر clear :
root@ubuntu:~# clear
النهاية:
وصلنا لنهاية المقال, كانتمنا تكونو ستافدتو شي حاجة.